මේ දිනවල පුංචි තිරය ඔස්සේ නිරන්තරයෙන්ම ප්‍රේක්ෂකයින් හමුවට එන දක්ෂ ජනප්‍රිය මෙන්ම සුරූපී සුන්දර රංගන ශිල්පිනියක් තමයි දසුනි සෙනෙත්ම කියලා කියන්නේ. ඉතින් මේ දිනවල විකාශනය වන රැල්ල වෙරළට ආදරෙයි, නීල පබළු, මහවිරු පණ්ඩු කියන ටෙලිනාට්‍ය තුන හරහාම ඇය ප්‍රේක්ෂකයින් හමුවට එනවා. කොහොම නමුත් ඇය තවමත් පාසල් වියේ පසුවන ළා බාල යුවතියක් වුනත් වයසට වඩා මුහුකුරා ගිය රංගන හැකියාවක් ඇති ඇය මේ වනවිට අපේ රටේ බොහෝ ජනප්‍රිය කෙනෙක්.
ඉතින් ඇය කලාව කියන එක අඳුන ගන්නේ වයස අවුරුදු තුනහමාරක් වගේ කුඩා අවධියේදී. ඒ දෙරණ ලිට්ල් ස්ටාර් නර්තන අංශයේ සීසන් 4 තරගයේ දී අවසන් 5 දෙනා අතරට එක්වෙමින්. කොහොම නමුත් හදිසියේ වුණු අනතුරක් නිසා තරගයෙන් ඉවත් වෙන්න ඇයට සිදු වුණා. ඉතින් ඊට පස්සේ සීසන් 5ට දෙරණෙන්ම ඇයට ආරාධනා කළා කියලයි ඇය කියන්නේ. එහිදීත් ඇයට අවසන් 5 දෙනා අතරට එන්න හැකියාව ලැබුණා.
ඊට පස්සේ පුංචි කුස්සිය, පුංචි සත්සර වගේ වැඩසටහන් ඉදිරිපත් කරන්නත් ඇයට අවස්ථාව ලැබුණා. ඒත් එක්කම සමනල සිරස වැඩසටහනත් ඉදිරිපත් කලෙත් ඇයයි. ඉතින් ඊට පස්සේ අධ්‍යාපන කටයුතු නිසා කලාවෙන් ඈත් වෙන්න වුණා කියලත් ඇය කියනවා. ඒ වගේම ඇයගේ තාත්තගේ කැමැත්තට සුපර් ඩාන්සර් වැඩසටහනට ඉදිරිපත් වුනාට පස්සේ ඒක තමයි ඇයට රංගනයට ආසාවක් ඇති කරලා තියෙන්නේ. ඉතින් කළා ක්ෂේත්‍රයේ රැඳිල ඉන්න ටිකක් අමාරු වුනත් ප්‍රවීණයන්ගෙන් ලොකු සහායක් ලැබෙනවා කියලයි ඇය කියන්නේ.
ඒ වගේම මේ වෙද්දි ඇය චිත්‍රපට තුනකට සම්බන්ධ වෙලා තියෙනවා. නමුත් තවමත් ඒවා තිරගත වුණේ නැහැ. ඒ තමයි රයිඩර්, විලන් වගේම සනත් ගුණතිලකයන්ගේ බඹසර දැහැන. ඉතින් මේ චිත්‍රපටි තුනේම ඇයට ලැබුණෙ ප්‍රධාන චරිත වීමත් විශේෂයි. ඒ වගේම ඇයට දැන් වයස අවුරුදු දහ අටයි. ඉතින් බොහෝ අය දන්නෙ නැහැලු ඇය මෙච්චර පොඩියි කියලා. ඒත් ඇයට රඟපාන්න ලැබුණ චරිතවලට අනුව ආදරවන්තියගෙ චරිත කරන්න සිදු වුනත් ඇයට තාමත් ආදරය ගැන අත්දැකීම් නැහැ කියලයි දසුනි අවසාන වශයෙන් පැවසුවේ.
