මෙම වසරේ දෙවන පාසල් වාරයේ ආරම්භය මැයි 11 වන සඳුදා සිදු කිරීමට තීරණය කර තිබෙනවා.
මීට පෙර තීරණය වී තිබුනේ දෙවන පාසල් වාරය මෙම මස 20 වන සඳුදා ආරම්භ කිරීමටයි.
කෙසේවෙතත් කොරෝනා වෛරසය පැතිර යාමත් සමග එය පාලනය කිරීමට රජය ගත් ක්‍රියාමාර්ග තවදුරටත් ඉදිරියට ගෙන යමින් පාසල් දරුවන් ආරක්ෂා කර ගැනීම වෙනුවෙනුයි මෙලෙස පාසල් ආරම්භ කරන දිනය දීර්ඝ කිරීමට තීරණය වී ඇත්තේ.
පාසල් නොපැවැත්වෙන කාලය තුල ශිෂ්‍ය ශිෂ්‍යාවන්ට සිය අධ්‍යාපන කටයුතු සිදුකරගෙන යාම සඳහා දුරස්ථ පහසුකම් හැකි උපරිමයෙන් සැලසීමට රජය සැලසුම් කර තිබෙනවා.
විශ්ව විද්‍යාල ආරම්භ කරන දිනය වත්මන් තත්වය සමාලෝචනය කර විශ්වවිද්‍යාල බලධාරීන්ගේ සහ විශ්ව විද්‍යාල ප්‍රතිපාදන කොමිෂන් සභාවේ එකඟත්වය අනුව තීරණය කරන ලෙසටයි උසස් අධ්‍යාපන අමාත්‍යංශයට දැනුම්දී ඇත්තේ.
