2021 අගෝස්තු මස 02 වන දින (සඳුදා) සිට සියලු ම රාජ්ය සේවකයන් සාමාන්ය පරිදි රාජකාරි කටයුතු සඳහා කැඳවීමට පියවර ගන්නා ලෙස ජනාධිපති ලේකම් පී.බී. ජයසුන්දර මහතා විසින් රාජ්ය සේවා, පළාත් සභා හා පළාත් පාලන අමාත්යාංශයේ ලේකම් ජේ.ජේ. රත්නසිරි මහතාට දැනුම් දී තිබේ.
ජනාධිපති මාධ්ය අංශය නිවේදනයක් නිකුත් කරමින් පවසන්නේ, රාජ්ය සේවා සාමාන්ය පරිදි පවත්වා ගෙන යාමට ප්රමුඛත්වය දිය යුතුව ඇති බවය.
ශ්රී ලංකාවේ සියලු ම දිස්ත්රික්ක ආවරණය වන පරිදි එන්නත්කරණයට ලක්විය යුතු ජනගහනයෙන් ඉහළ ප්රතිශතයකට මේ වන විට එන්නත්කරණය සිදුකර ඇතැයි එම නිවේදනයේ සඳහන් කර තිබේ.
එහි දැක්වෙන්නේ, රාජ්ය සේවකයන් බහුතරයක් ද එන්නත්කරණයට ලක්කර ඇති බවය.
එම නිසා කොවිඩ් සෞඛ්යාරක්ෂිත මාර්ගෝපදේශයන්ට යටත්ව සියලු ම රාජ්ය සේවකයින් සේවයට කැඳවීමට තීරණය කර තිබේ.
කොවිඩ් රෝගය පාලනය පහසු කිරීම සඳහා සීමිත කාර්ය මණ්ඩල චක්රීය පදනම මත කැඳවමින් සහ නිවසේ සිට රාජකාරී සිදුකිරීමට අදාළව නිකුත් කර ඇති සියලු ම චක්රලේඛ අවලංගු කරන ලෙස ද ජනාධිපති ලේකම්වරයා දැනුම් දී ඇත.
