ජපානයෙන් ආනයනය කරන ලද වාහන 400 ක් පමණ නිදහස් කර ගැනීමට නොහැකිව අර්බුදකාරී තත්ත්වයක් උද්ගතව ඇතැයිද, මේ නිසා වාහනයක මිල තවත් රුපියල් 40,000 ත් 50,000 ත් අතර මිලකින් ඉහළ යනු ඇතැයිද ලංකා වාහන ආනයනකරුවන්ගේ සංගමයේ සභාපති ඉන්දික සම්පත් මෙරෙංචිගේ පැවැසීය.
මාධ්‍ය හමුවක් පවත්වමින් ඔහු මේ බව කියා සිටියේය.
මෙරටට වාහන 197 ක නැවක් මුලින් පැමිණි බවත්, දෙවනුවද වාහන සහිත නැවක් පැමිණි බවත්, ජපානයෙන් ආනයනය කරන ලද එකදු වාහනයක් මෙතෙක් නිදහස් කර ගැනීමට නොහැකිවී ඇති බවත් ඔහු පැවැසුවේය.
වාහන ආනයනය ප්‍රකෘති කිරීමේදී ගත් වැරදි තීන්දුවක් මීට බලපා තිබෙන බවද ඔහු කීවේය.
එසේම නිෂ්පාදිත දිනය මීට බලපා තිබෙන බවද ඔහු පැවැසීය.
මෙලෙස වාහන නිදහස් කර ගැනීමට ප්‍රමාද වීම මගින් සිදුවන්නේ වාහන මිලදී ගැනීමට සිටි පිරිස ඊට අඩු උනන්දුවක් දැක්වීම බවද ඔහු කීවේය.
හම්බන්තොට වරායේ වාහන ගාල් කිරීම සඳහා දින 10 ක නිදහස් කාල සීමාවක් ලබාදී තිබෙන බවත්, දින 10 ට පසුව රුපියල් 30,000 ත් 40,000 ත් අතර අමතර ගාස්තුවක් ගෙවීමට සිදුවනු ඇති බවත් ඔහු සඳහන් කළේය.
Published in Gossip
- “ලොකු කට්ටක් කාලා තමයි මම පඩියක් නැග්ගේ” සංජානා ගමආරච්චි!
- මෝටර් රථවල මිල ගණන් වෙනස් වෙයි – නව මිල ගණන් මෙන්න
- සෙකන්ඩ් හෑන්ඩ් වාහන අඩුවට ගන්න බලාගෙන ඉන්න අයට මෙන්න සතුටු දායක ආරංචියක්!
- ඒක සේවයක් නෙවේ දොස්තරලා දෙවිවරු කියන්නෙ මේකයි (VIDEO)
- පරණ පෙම්වතාගෙන් විවාහයට අවසර ගන්න ගිහිල්ලා…දින තුනක් පරණ පෙම්වතා සමග එකට ඉදලා
