ලංකා ඛනිජ තෙල් නීතිගත සංස්ථාවේ රසායනාගාර ප්රතිඵල පිළි ගැනීමට නොහැකි බව ලිට්රෝ ගෑස් ලංකා ලිමිටඩ් සහ ලාෆ්ස් ගෑස් සමාගම් නිවේදනය කර ඇත.
“ඛනිජ තෙල් සංස්ථාවේ ප්රතිඵල අපට පිළිගත නොහැක” යනුවෙන් නම හෙළි නොකිරීමේ කොන්දේසිය මත මාධ්ය වෙත අදහස් දැක්වූ ලිට්රෝ සමාගමේ ජ්යෙෂ්ඨ නිලධාරියෙක් පවසා තිබුණු අතර ලාෆ්ස් සමාගමේ නිලධාරියෙකු ප්රකාශ කළේ ඔවුන් ද භාරගනු ලබන්නේ පැටවීමේ සහ බෑමේ නැව් තටාකවල සිදු කරන ලද පරීක්ෂණ ප්රතිඵල පමණක් බවත්, පසුගිය මාසයේ එකතු කරන ලද LPG සාම්පල 12 සඳහා කරන ලද ඛනිජ තෙල් සමාගමේ පරීක්ෂණ නොවන බවත්ය.
කෙසේවෙතත් ලසන්ත අලගියවන්න ප්රකාශ කළේ වෙළෙඳපොළ ද්රව පෙට්රෝලියම් වායු (LPG) සාම්පල පිළිබඳ ඛනිජ තෙල් සංස්ථාවේ පරීක්ෂණවලදී LPG සාම්පලවල ප්රොපේන් ප්රතිශතය 47%ක් පමණ වන බව හෙළි වී ඇති බවත් එය සමාගම්වල පෙර ප්රකාශයන්ට පටහැනි බවත්ය.
source – mawratanews.lk
