ඖෂධ සංස්ථාවේ සභාපති ධූරයෙන් ඉවත්වීමට වෛද්ය ප්රසන්න ගුණසේන මහතා ගත් තීන්දුව මසකින් කල් දමන ලෙසට ජනාධිපතිවරයා කළ ඉල්ලීමත් සමග සෞඛ්ය අමාත්ය කෙහෙළිය රඹුක්වැල්ල මහතා මහත් අපහසුතාවයකට මුහුණ දී ඇති බව වාර්තා වේ.
ප්රසන්න ගුණසේන මහතා ඉල්ලා අස්වීමට තීරණය කර ඇති බවත්, කෙහෙළිය රඹුක්වැල්ල මහතා සමග ඇති කරගෙන ඇති මතගැටුම් මේ සදහා හේතු වී ඇති බවත් මාධ්ය මීට පෙර වාර්තා කර තිබිණ.
ඒ අනුව ඊයේ දින දක්වාම කෙහෙළිය රඹුක්වැල්ල මහතාගේ පාර්ශ්වය ජයගෙන ඇති බව පෙනෙන්නට තිබුණත් ජනාධිපතිවරයා සිද්ධියට මැදිහත් වීමත් සමග තත්ත්වය වෙනස් වී ඇති ආකාරයක් දැකගන්නට තිබේ.
සෞඛ්ය අමාත්යංශ ආරංචිමාර්ග පෙන්වා දෙන්නේ මතුව ඇති තත්ත්වය යටතේ මේ වනවිට කෙහෙළිය රඹුක්වැල්ල මහතාට අමාත්ය තනතුරින් ඉවත්ව යාමේ වාතාවරණයක් මතුව ඇති බවකි.
