යොහානි ද සිල්වා විසින් ප්රතිගායනා කරන ලද “මැණිකේ මගේ හිතේ” ගීතය ඉන්දියාවේ අතිශය ජනප්රිය ගීතයක් බවට පත්ව තිබේ.
ඇය ඉන්දියාවේ රසිකයින් අතර ලබා ඇති ජනප්රියත්වය සැලකිල්ලට ගෙන එරට ජනප්රිය රූපවාහිනී නාලිකාවක් වන NDTV නාලිකාව ඇය විශේෂ වැඩසටහනකට සම්බන්ධ කර ගැනිණි.
NDTV නාලිකාවේ සම්මුඛ සාකච්ඡාවකට එක්වෙමින් ශ්රී ලාංකික ගායන ශිල්පිනී යොහානි දිලෝකා ද සිල්වා සඳහන් කළේ, ඇය බොලිවුඩ් සංගීතයේ රසිකාවියක බවය.
බොලිවුඩ් නිළියක වන ප්රියංකා චොප්රා ද සිය ගීතයට ශුභවාදී ප්රතිචාර දැක් වූ බවත්, ඒ පිළිබඳව තමන් ඉමහත් සතුටට පත්වූ බවත් යොහානි එම සාකච්ඡාවේදී පැවසීය.
ඇයගේ අනාගත සැලසුම් පිළිබඳව විමසීමේදී ඇය සඳහන් කළේ, යොහානි ගීත 12කින් සමන්විත ඇල්බමයක් නිර්මාණය කරමින් සිටින බවය.
මධුරි ඩික්සිට්, අමිතාබ් බච්චන් සහ ටයිගර් ෂ්රොෆ් යන ජනප්රිය බොලිවුඩ් රංගන ශිල්පීන් ද ඇයගේ “මැණිකේ මගේ හිතේ ගීතය” සමාජ මාධ්ය තුළ පළ කර තිබිණි.
මේ වන විට ජාත්යන්තර පිළිගැනීමට ලක් වූ මෙම ගීතයට නැරඹුම් වාර මිලියන 114ක් ඉක්මවා ඇත.
