ඔස්ට්‍රේලියාවේ මුල්ග්‍රේව් ක්‍රිකට් සමාජයේ (Mulgrave Cricket Club) ප්‍රධාන පුහුණුකරු ලෙස ශ්‍රී ලංකා හිටපු ක්‍රිකට් නායක සනත් ජයසූරිය පත් කර තිබෙනවා.
ඉදිරි (2021-22) තරග වාරය වෙනුවෙන් එම පත් කිරීම සිදු කළ බවයි මුල්ග්‍රේව් ක්‍රිකට් සමාජය නිවේදනය කළේ.
සනත් ජයසූරිය ශ්‍රී ලංකාව වෙනුවෙන් ටෙස්ට් තරග 110ක්, එක්දින තරග 445ක් සහ ජාත්‍යන්තර 20යි 20 තරග 31ක් ක්‍රීඩා කර තිබුණා.
එක්දින පිටියේ දී ඔහු ලකුණු 13,430ක් රැස් කිරීමට සමත් වූ අතර, බිද හෙලූ කඩුලු සංඛ්‍යාව 323ක්.
මුල්ග්‍රේව් ක්‍රිකට් සමාජය සදහා තිලකරත්න ඩිල්ෂාන් සහ උපුල් තරංග යන ශ්‍රී ලංකා හිටපු ක්‍රීඩකයින් ක්‍රීඩා කරන අතර, කණ්ඩායමේ නායකත්වය ද දරනු ලබන්නේ ඩිල්ෂාන් විසිනුයි.
