හත් හැවිරිදි දරුවකුට අමානුෂික ලෙස පහරදුන් බව කියන මවක සහ මිත්තණියක අත්අඩංගුවට ගත් බව පල්ලෙවෙල පොලීසිය කියයි.
ප්රදේශයේ ග්රාම නිලධාරීන් මගින් ප්රාදේශීය ලේකම් වරයාට ලැබුණු වීඩියෝ පටයක් අනුසාරයෙන් පරීක්ෂණ පැවැත් වා මෙම මව සහ මිත්තණිය අත්අඩංගුවට ගෙන ඇත්තේ අද පස්වරුවේ දීය.
ගනේගොඩ ප්රදේශයේ වෙසෙන මෙම පවුලේ දරු තිදෙනකු විහාරස්ථානයක දිවි ගෙවන බවත් ඔවුන් තිදෙනා නිවසට පැමිණි අවස්ථාවේ මිත්තණියට වන්දනා නොකළැයි කෝපයට පත්ව මව සහ මිත්තණිය පහරදී ඇතැයි පරීක්ෂණවලදී හෙළි වී තිබේ
වයස අවුරුදු දාසය නමය හා හතේ දරු තිදෙනා විහාරස්ථානයක වෙසෙන අතර දියණිය පමණක් මෙම නිවසේ සිට ඇතැයිද මව සහෝදරයාට පහර දෙන අවස්ථාව වීඩියෝ ගත කර ඇත්තේ එම දහතුන් හැවිරිදි දියණිය බවද පොලිස් පරීක්ෂණවලදී හෙළිවී ඇත
දරුවාගේ ප්රකාශය සටහන් කළ බවත් ඔහු අද වෛද්යවරයෙකු වෙත ඉදිරිපත් කිරීමට නියමිත බවත් පල්ලවෙල පොලිස් ස්ථානාධිපති ප්රධාන පොලිස් පරීක්ෂක ප්රියන්ත රත්නායක මහතා පැවසීය.
