මේ දිනවල මෙරට ක්‍රිකට් ප්‍රේක්ෂකයින්ගේ පමණක් නොව ක්‍රිකට් ක්‍රීඩාවට ලැදි ලොව බොහෝ පිරිසකගේ අවධානය දිනා ගත් ක්‍රීඩකයෙකු බවට නවක ශ්‍රී ලංකා පිතිකරු පැතුම් නිස්සංක පත්ව තිබෙනවා.
ඒ, කොදෙව්වන්ට එරෙහිව නිමා වූ පළමු ටෙස්ට් ක්‍රිකට් තරගයේ දී ඔහු වාර්තා කළ සුපිරි ශතකය හේතුවෙන්.
තවමත් 22 වන වියේ පසුවන ඔහු මෙරට ක්‍රිකට් ක්‍රීඩාවේ අනාගතයට ඉතා වැදගත් ක්‍රීඩකයෙකු වන බවටනම් සැක නැහැ.
කෙසේ වෙතත්, මේ යොවුන් ක්‍රීඩකයා ආර්ථික ගැටලු රැසක් මධ්‍යයේ සිය ක්‍රීඩා ගමන මෙතෙක් ගමන් කර ඇති බව ඔහුගේ දෙමව්පියන් හෙළි කළා.
ඒ, ක්‍රීඩා මාධ්‍යවේදී ධනුෂ්ක අරවින්ද මහතා සමග කළ සම්මුඛ සාකච්ඡාවකදීයි.
එහිදී පැතුම් නිස්සංකගේ මව සදහන් කළේ පැතුම්ට පුහුණුවීම් සදහා නිසි පාවහන් යුගලක් හෝ නොතිබූ බවයි.
ආර්ථික ගැටලු හේතුවෙන් ඇතැම්විට ආහාරවේලක් ගැනීමට ද නොහැකි වූ අවස්ථා ද තිබූ බව පැතුම් නිස්සංකගේ පියා මෙහිදී කියා සිටියා.
දර්ශන මෙතනින් නරඹන්න
