ක්‍රීඩා අමාත්‍ය නාමල් රාජපක්ෂ මහතා සහ ශ්‍රී ලංකා ක්‍රිකට් බළධාරීන් අතර සාකච්ඡාවක් පවත්වා තිබෙනවා.
එහිදී ක්‍රිකට් ක්‍රීඩාවේ වත්මන් තත්ත්වය පිළිබද සාකච්ඡා සිදු කර ඇති බව සදහන්.
ජාතික ක්‍රීඩා සභාවේ සභාපති මහේල ජයවර්ධන මහතා ද මෙම සාකච්ඡාව සදහා සහභාගී වී ඇති අතර, එහිදී වැදගත් තීරණ 5කට එළඹුණු බවයි ක්‍රීඩා අමාත්‍ය නාමල් රාජපක්ෂ මහතා සදහන් කළේ.
ඒ අනුව නව ක්‍රිකට් තේරීම් කමිටුවක් පත් කිරීම එහිදී ප්‍රධාන කරුණක් බවට පත්ව තිබෙනවා.
තරගකාරී දේශීය , පළාත් තරගාවලි සංවිධාන කිරීම මෙන්ම විනය සහ ශාරීරික යෝග්‍යතාවයට ප්‍රමුඛත්වයක් ලබා දීමට ද මෙහිදී එකගතාවයකට එළඹ ඇති බව සදහන්.
එමෙන්ම ක්‍රීඩකයින්ට දක්ෂතා පදනම් කර ගත් කොන්ත්‍රාත් ලබා දීම සදහා ද මෙහිදී තීරණය කර තිබෙනවා.
තවද, පුහුණුකරු මිකී ආතර්ට සහාය වීම සදහා අධ්‍යක්ෂවරයෙකු සහ උපදේශකයෙකු පත් කිරීමට ද තීරණය කළ බවයි ක්‍රීඩා අමාත්‍යවරයා කියා සිටියේ.
