සමාජ මාධ්‍ය ඔස්සේ සංවිධාන කර, ගාල්ල, අක්මීමන, රජ්ජම්බුගහ ටැංකිය පාර ප්රදේශයේ හෝටලයක පැවැති සාදයකට සහභාගී වී සිටි තරුණියන් දෙදෙනෙකු ඇතුළු 28 දෙනෙකු අක්මීමන පොලීසිය විසින් අත්අඩංගුවට ගෙන තිබෙනවා.
පොලීසිය පැවසුවේ අද (30) අලූයම සිදුකළ වැටලීමකදී මෙම පිරිස අත්අඩංගුවට ගැනුණු බවයි. සාදයට සහභාගී වී සිිටි තරුණයින් 06 දෙනෙකු සන්තකයේ තිබී කේරළ ගංජා පැකට් 06 ක්ද පොලීසිය විසින් සොයාගෙන තිබුණා. අදාළ සාදයට සහභාගී වීම සඳහා රුපියල් 500, 1500 සහ 5000 යන මිල ගනණ් යටතේ ටිකට්පත් ද අලෙවිකර ඇත.
සාදයට සහභාගී වි සිටි සියලූදෙනා 18 හා 22 යන වයස් කාණ්ඩවල පසුවන්නන්. ඔවුන් අම්පාර, උහන, රත්නපුර හා ඇහැළියගොඩ ඇතුළු ප‍්‍රදේශ කිහිපයක පදිංචිකරුවන් වනවා. පොලීසිය කළ ප‍්‍රශ්නකිරීම්වලදී සැකකරුවන් පිරිස පවසා ඇත්තේ උපන්දින සාදයක් පැවැත්වීම සඳහා එම හෝටලයට පැමිණි බවයි. නිරෝධායන නීති උල්ලංඝණය කිරීම යටතේ අදාළ සැකකරුවන් පිරිස ගාල්ල මහේස්ත‍්‍රාත් අධිකරණය හමුවට අද ඉදිරිපත් කරන බව අක්මීමන පොලීසිය සඳහන් කළා.
