ලබන 11 වැනිදා සාමාන්‍ය කටයුතු සඳහා රට විවෘත කිරීමට අදාළ නව තීන්දු තීරණ ඇතුළත් ගැසට් නිවේදනයක් හෙට (09 වැනිදා) නිකුත් කිරීමට නියමිතය.
මෙම තීරණ ගැනීමේ විශේෂ සාකච්ඡාවක් ජනාධිපතිවරයාගේ ප්‍රධානත්වයෙන් අද (08 වැනිදා) පැවැත්වෙන අතර ඒ සඳහා ආරක්ෂක හා සෞඛ්‍ය අංශවල නියෝජිතයන් මෙන්ම අමාත්‍යාංශ ලේකම්වරුද සහභාගි වෙති. එම සාකච්ඡාවෙන් පසු නිරෝධායන නීතිරීති අනුව ගැසට් නිවේදනය නිකුත් කෙරෙන අතර එය කඩකරන්නන් සම්බන්ධයෙන් දැඩි ලෙස නීතිය ක්‍රියාත්මක කෙරෙන බවද පොලිසිය පවසයි.
