කොවිඩ් වෛරසය ව්‍යාප්ත වීම හේතුවෙන් අතහැර දැමීමට සිදු වූ එංගලන්ත ක්‍රිකට් කණ්ඩායමේ ශ්‍රී ලංකා සංචාරය 2021 වසරේ ජනවාරි මාසයේදී පැවැත්වීමට හැකිවනු ඇති බවට ශ්‍රී ලංකා ක්‍රිකට් ආයතනය පවසනවා. එසේම මෙම වසරට අදාලව පැවැත්විය නොහැකි තරගාවලි ද 2021 වසරේදී පැවැත්වෙනු ඇති බවයි ක්‍රිකට් ආයතනයේ ප්‍රධාන විධායක ඈෂ්ලි ද සිල්වා මහතා පවසන්නේ.
ලබන ජනවාරියේදී මෙම තරගාවලිය පැවැත්වීම සම්බන්ධයෙන් එංගලන්ත බලධාරීන් ද කැමැත්ත පළකර ඇති බව පවසන ඈෂ්ලි ද සිල්වා මහතා අවධාරණය කරන්නේ තවමත් ඒ සඳහා දින නියම කර නොමැති බවයි.
