දඹුල්ල ආර්ථික මධ්‍යස්ථානයේ කරවල ව්‍යාපාරයක් පවත්වාගෙන යන පුද්ගලයෙකුට කොරෝනා වෛරසය ආසාදනය වී ඇති බව වාර්තා වෙයි.
මෙම පුද්ගලයා කුරුණෑගල මල්ලවපිටිය සහ උයන්දන අතර ප්‍රදේශයේ පදිංචි 60 හැවිරිදි පුද්ගලයෙකු බව මල්ලවපිටිය සෞඛ්‍ය වෛද්‍ය කාර්යාලය පවසයි.
පසුගියදා කොරෝනා ආසාදිතයෙක් බවට හඳුනා ගත් දඹුල්ල ආර්ථික මධ්‍යස්ථානයේ සිටින ව්‍යාපාරිකයෙකු සමඟ මෙම පුද්ගලයා කතරගම සංචාරයක ගොස් ඇති බවද අනාවරණය වී තිබේ.
ව්‍යාපාරිකයාට කොරෝනා වෛරසය ආසාදනය වී ඇත්තේ බ්‍රැන්ඩික්ස් කොරෝනා පොකුරේ ආසාදිතයෙකු සමඟ සබඳතා පැවැත්වීම හේතුවෙනි.
එම ව්‍යාපාරිකයා සමඟ සමීපව ඇසුරු කිරීම හේතුවෙන් උයන්දන කරවල ව්‍යාපාරිකයාට වෛරසය ආසාදනය වී ඇති බවට සෞඛ්‍ය බලධාරීන් සැක කරයි.
