සමගි ජන බලවේගයේ මන්ත්‍රී නලින් බණ්ඩාර මහතා සිය පාර්ලිමේන්තු කථාව අතරතුරදී ඩයනා ගමගේ මන්ත්‍රීවරියට දිව දික් කරමින් අපහාස කළ බවද මෙලෙස අපහාස නො කළ යුතු බවද පොදුජන පෙරමුණේ කුරුණෑගල දිස්ත්‍රික් මන්ත්‍රී සමන් ප්‍රිය හේරත් මහතා පාර්ලිමේන්තුවේදී පැවසීය.
මීට කලිනුත් තිස්ස කුට්ටිආරච්චි මන්ත්‍රීතුමා සම්බන්ධයෙන් මෙවැනිම චෝදනාවක් මතු වූ අතර එහිදී ක්‍රියා කළ අයුරින් මෙහිදීත් ක්‍රියා කළ යුතු බව හේරත් මහතා කීය.
සමන් ප්‍රිය හේරත් මහතා මෙම ප්‍රශ්නය මතු කිරීමත් සමග සභාවේ ඝෝෂා කාරී බවක් ඇති වූ අතර නියෝජ්‍ය කතානායක අජිත් රාජපක්ෂ මහතා පැවසූයේ මෙම කාරණය වරප්‍රසාද ප්‍රශ්නයක් යටතේ ගෙන එන ලෙස ඉල්ලා සිටින බවත් මේ ඒ ගැන කතා කිරීමට අවස්ථාව නොවන බවත්ය.
විපක්ෂයේ ප්‍රධාන සංවිධායක ලක්ෂ්මන් කිරිඇල්ල මහතා:-
මේක රීති ප්‍රශ්නයක් නොවේ. මේ ප්‍රශ්නෙ මතු කරන්නේ මොන වගන්තිය යටතේ ද?
කෝකිලා ගුණවර්ධන මහත්මිය:-
මේ කාරණය පිළිබඳව අප අවධානය යොමු කළ යුතුයි. මේ වෙලාවේ කතා නොකරනවා නම් මොන වෙලාවෙද කතා කරන්නේ.
-lankadeepa
