පෑලියගොඩ මත්ස්ය වෙළෙඳ සංකීර්ණයෙන් කොරෝනා ආසාදනය වූ පුද්ගලයන් දෙදෙනෙක් පස්සරට හා ලුණුගලට පැමිණ සැඟවී සිටියදී පසුගියදා 27දා සොයාගත් බව පොලිසිය පවසයි.
පස්සර ආසාදිතයාගේ ආශ්රිතයන් බවට හඳුනාගත් පවුලේ සාමාජිකයන් ඇතුළු 40 දෙනෙක් සිය නිවෙස් තුළම ස්වයං නිරෝධායනයට ලක්කර ඊයේ (28 වැනිදා) පී.සී.ආර්. පරීක්ෂණ සිදුකළ බව පස්සර සෞඛ්ය වෛද්ය නිලධාරී කාර්යාලය පවසයි.
මෙම ආසාදිතයාගේ පුත්රයකු රැකියාව කරන පස්සර නගරයේ බේකරියක් තාවකාලිකව වසා දැමීමටත් එහි කාර්ය මණ්ඩලය ස්වයං නිරෝධායනයට ලක් කිරීමටත් කටයුතු කර තිබේ.
ලුණුගල ආසාදිතයා හමු වී ඇත්තේ ලුණුගල සෝලන්ඩ්ස් වත්තෙනි.
